«Смена» заманча мәдәният үзәгендә мәктәпне ничек итеп тарту ноктасы итәргә икәнлеге турында фикер алышачаклар

Спикерлар арасында мәгариф һәм медиа өлкәсе вәкилләре бар

Фото: Денис Гордийко

(Казан шәһәре KZN.RU, 21 нче август). «Смена» заманча мәдәният үзәгендә 24 нче августта «Шәп урын: мәктәпне тарту ноктасы итеп ничек ясарга» дискуссиясе узачак.

Спикерлар халык белән берлектә гомуми белем бирү учреждениесендә сәламәт һәм дустанә мохит ничек формалаштырырга, мәктәп укучыларына нинди курслар җитми, укучылар үзләре ничек үзгәрешләр кертә ала икәнлеге турында фикер алышачак. Шулай ук катнашучыларга мәктәпләргә балалар үзидарәсе нәрсә бирүе турында уйларга тәкъдим итәчәкләр.

Спикерлар Казан Башкарма комитетының Мәгариф идарәсе башлыгы Ирек Ризванов, Татарстан Рәисенең ярдәмчесе һәм республикада «Алдынгылар хәрәкәте» бүлекчәсе җитәкчесе Тимур Сөләйманов, «Мел» мәгариф һәм тәрбия турында медиа контент-директоры Елена Акимова, «Каскад» яшүсмерләр өчен музейара проект мәктәбенә нигез салучы Лидия Лобанова һәм Казанның Халыкара мәктәбе директоры Нияз Гафиятуллин булачак.

«Смена» лекториясендә дискуссия 19:00 дә башлана. Керү ирекле, ләкин теркәлергә кирәк.

Бу вакыйга укучыларга, педагогларга, мәктәп һәм өстәмә белем бирү үзәкләре директорларына, креатив кластерлар һәм шәһәр берләшмәләре вәкилләренә кызыклы булачак.

Дискуссия «Шәһәр модераторлары» программасы буенча оештырылган.

Шулай ук укыгыз

Барлык яңалыклар