Казанның Мәскәү районы Халыкны эш белән тәэмин итү үзәгендә «Эш бирүче көне» узачак

Эш урыннарын «ПАТП-4» муниципаль унитар предприятиесе, «Россия тимер юллары» ачык акционерлык җәмгыяте филиалы тәкъдим итәчәк.

Фото: Марат Мөгыйнов

(Казан шәһәре KZN.RU, 11 нче март). 17 нче мартта Казанның Мәскәү районы Халыкны эш белән тәэмин итү үзәге «Эш бирүче көне» уздырачак.

Килүчеләр «ПАТП-4» муниципаль унитар предприятиесенең кадрлар хезмәте вәкилләре белән очраша һәм буш эш урыннары турында мәгълүмат ала алачак. Әйтик, эшсез казанлыларга автобус йөртүче, кондуктор, контролер, автоэлектрик, юучы вакансияләре тәкъдим ителә. Тулырак мәгълүматны +7(927)408-37-68 номеры буенча алырга мөмкин.

Эш эзләүчеләргә шулай ук «Россия тимер юллары» ачык акционерлык җәмгыяте филиалының кадрлар хезмәтендә эш урыннары тәкъдим итәчәкләр, анда поездлар төзүче, йөк һәм багажны кабул итүче кебек вакансияләр буш. Тулырак мәгълүматны +7(937)289-48-22 телефоны буенча белергә мөмкин.

«Эш бирүче көне» 10:00 сәгатьтән 12:00 сәгатькә кадәр Гагарин ур., 46 адресы буенча узачак, дип хәбәр ителә Казанның Халыкны эш белән тәэмин итү үзәге сайтында.

Шулай ук укыгыз

Барлык яңалыклар