Казанның Совет районы халыкны эш белән тәэмин итү үзәгендә вакантлы эш урыннары ярминкәсе узачак

Эшсез шәһәрлеләр эшкә урнашу өчен юлламалар һәм уку мәсьәләләре буенча консультация ала алачак.

Фото: Марат Мөгыйнов

(Казан шәһәре KZN.RU, 3 нче март). 15 нче мартта Казан халкын эш белән тәэмин итү үзәге филиалында вакансияләр ярминкәсе узачак.

Эш эзләүчеләргә предприятиеләрнең кадрлар хезмәте вәкилләре белән очрашырга, эшкә урнашу өчен юллама алырга, хезмәт һәм мәшгульлек, дәүләт гарантияләре, эшсез гражданнарны һөнәри әзерләү һәм яңадан әзерләү, шулай ук яшьләрне эшкә урнаштыру программалары буенча мәшгульлек хезмәте белгечләре белән киңәшләшергә мөмкин булачак.

Вакансияләр ярминкәсе 10:00 дән 12:00 гә кадәр Журналистлар урамы, 13а адресы буенча узачак. Тулырак мәгълүматны +7(843)273-90-86 телефоны аша белергә мөмкин, дип хәбәр ителә мәшгульлек үзәге сайтында.

Шулай ук укыгыз

Барлык яңалыклар