«Смена» заманча мәдәният үзәгендә Булат Галиев исемендәге «Прометей» фонды архивы тәкъдим ителәчәк

Экспозиция Казанда, Россиядә һәм дөньяда аудиовизуаль һәм технологик сәнгать тарихын ача.

Фото: «Смена» заманча мәдәният үзәгенең матбугат хезмәте

(Казан шәһәре KZN.RU, 27 нче апрель). 28 нче апрельдә Булат Галиев исемендәге «Прометей» фонды архивы «Смена» заманча мәдәният үзәгендә тәкъдим ителәчәк. Тест режимында эшләячәк күргәзмәдә кунаклар Казанда, Россиядә һәм дөньяда аудиовизуаль һәм технологик сәнгать тарихы белән таныша алачак.

«Прометей» студентлар конструкторлык бюросына ТР башкаласында 1962 елда нигез салына, анда яктылык-музыка җиһазлары эшләү белән шөгыльләнәләр. 1995 елда бюро фәнни-тикшеренү институты статусын ала. Проектларның идея илһамчысы һәм оештыручысы булып философия фәннәре докторы, рәссам, физик Булат Галиев чыгыш ясый.

Ярты гасырдан артык «Прометей» хезмәткәрләре аудиовизуаль синтез өлкәсендә эшлиләр: яктылык концертлары, абстракт фильмнар, видео-арт, яктылык дизайны, саунд-арт һәм светография булдыралар – болар барысы да фонд архивы өчен нигез булып хезмәт итә.

Шулай ук тест режимында «Смена»да «Сәнгать храмнары: 7 илебез проектын реконструкцияләү тәҗрибәсе (1906-2022)» күргәзмәсе ачылачак. Экспозициягә төрле вакытта Александр Скрябин, Григорий Гидони, Евгений Мурзин, Булат Галиев, Флориан Юрьев һәм Сергей Зорин рәсемнәре һәм эскизлары буенча проектланган яктылык-музыка залларның архитектура макеты кертелгән.

Күргәзмә буенча экскурсиягә сылтама буенча язылырга мөмкин. 6 нчы майга кадәр килүчеләр өчен керү ирекле булачак, дип хәбәр итә «Смена» заманча мәдәният үзәгенең матбугат хезмәте.

Шулай ук укыгыз

Барлык яңалыклар