Казан үзәгендә 21 нче июльдә автомобильләр хәрәкәте һәм тукталышы чикләнәчәк

Бу тәре йөреше үткәрү белән бәйле

Фото: Марат Мөгыйнов

(Казан шәһәре KZN.RU, 20 нче июль). Казанның берничә урамында 21 нче июльдә транспорт хәрәкәте чикләнәчәк. Бу Казан Изге Мәрьям Ана иконасының могҗизалы образы белән тәре йөреше үткәрүгә бәйле. Дин тотучылар Благовещенск соборыннан Богородица монастырена кадәр үтәчәк. Тиешле карар шәһәр Башкарма комитетында имзаланды.

Транспорт чараларының хәрәкәтен һәм тукталышын чикләү 21 нче июльдә 7:00 сәгатьтән 13:00 сәгатькә кадәр түбәндәге участокларда гамәлдә булачак:

Батурин урамы, Кремль транспорт дамбасыннан Дзержинский урамына кадәр;

Бауман урамы, Профсоюз урамыннан Батурин урамына кадәр;

Большая Красная урамы, Япеев урамыннан Батурин урамына кадәр;

К.Маркс урамы, Лобачевский урамыннан Батурин урамына кадәр;

Кремль урамы, Чернышевский урамыннан Беренче Май мәйданына кадәр;

Миславский урамы, К.Маркс урамыннан Дзержинский урамына кадәр;

Профсоюз урамы, Чернышевский урамыннан Меңьеллык мәйданына кадәр;

Япеев урамы, Дзержинский урамыннан Большая Красная урамына кадәр (ихтыяҗ булганда);

Батурин урамыннан Кремль дамбасына төшү юлы;

Беренче Май мәйданыннан төшү юлы, Кремль урамыннан Профсоюз урамына кадәр;

Меңьеллык мәйданнан Батурин урамына төшү юлы.

Шулай ук 20 нче июльнең 20:00 сәгатеннән 21 нче июльнең 13:00 сәгатенә кадәр Миславский урамының юл өлешендә – К.Маркс урамыннан Большая Красная урамына кадәр (транспорт парковкасын исәпкә алмаганда) – хәрәкәт ябылачак.

Исегезгә төшерәбез, шулай ук тәре йөреше үткәрү аркасында дүрт автобус маршрутының хәрәкәт схемалары үзгәрәчәк.

Шулай ук укыгыз

Барлык яңалыклар