Казанның өч җир асты кичүендә резиннән өслек түшәгәннәр

Казанның өч җир асты кичүендә резиннән өслек түшәгәннәр

<p> Казанда өч җир асты кичүендә резина валчыгыннан өслек җәйгәннәр. Аның гомуми мәйданы 372 кв.м тәшкил иткән. Эш кыш алдыннан, шәһәр халкы баскычлар һәм юллар буйлап хәвеф-хәтәрсез йөри алсын өчен, үткәрелде. </p> <p> Яңа өслекне Дементьев һәм Кошевой, Лаврентьев һәм Фатыйх Әмирхан, Короленко һәм Ямашев урамнары чатында күрергә мөмкин, дип хәбәр итә тышкы төзекләндерү комитеты. </p> <p> Элегрәк хәбәр ителгәнчә, җир асты кичүе Сәетгалиев урамында <a target="_blank" href="https://kzn.ru/meriya/press-tsentr/novosti/na-ulitse-said-galeeva-otremontirovali-podzemnyy-peshekhodnyy-perekhod/">төзекләндерелгән</a>. Биредә электр белән тәэмин итү челтәрен алыштырганнар, баскычларны яңартканнар, гидроизоляция ясаганнар, диварларны һәм түшәмне буяганнар. Керү группалары да яңартылды – каркастан алып поликарбонатка кадәр. </p> <p> Шулай ук БРИКС саммитына шәһәрнең алты җир өсте кичүендә лифтлар <a target="_blank" href="https://kzn.ru/meriya/press-tsentr/novosti/v-kazani-zavershayut-zamenu-13-liftov-v-nadzemnykh-peshekhodnykh-perekhodakh/">алыштырылды</a>. Аларның җылытылган шахталары һәм тамбурлары бар, бу кешеләргә елның теләсә кайсы вакытында күтәрелү платформаларыннан файдаланырга һәм җиһазларны һава шартларыннан якларга мөмкинлек бирә. </p> <p>   </p>

2024-10-24T15:58:00+0300