Тинчурин театрында модельер Наҗия Галимованың иҗади остаханәсе ачыла

Тинчурин театрында модельер Наҗия Галимованың иҗади остаханәсе ачыла

<div class="detail-picture"> <img src="https://kzn.ru/upload/iblock/f8b/DEN_8154-870.jpg"> <p class="detail-picture__caption"> Фото: Денис Гордийко </p> </div> <p> (Казан шәһәре KZN.RU, 22 нче март). Бүген Кәрим Тинчурин исемендәге Татар дәүләт драма һәм комедия театрының колонналы залында рәссам-дизайнер Наҗия Галимованың иҗат остаханәсе ачыла. Тамашачылар студияне спектакль алдыннан да, антракт вакытында да карый ала. Моннан тыш, театрның матбугат хезмәте хәбәр иткәнчә, ата-аналар спектакль караган вакытта балалар дизайнер белән төрле иҗади тәҗрибәләр үткәрә алачак. </p> <p> Наҗия Галимова үз студиясендә традицион татар киемнәре тарихы һәм аның безнең көннәрдә ничек үзгәрүе турында сөйләячәк, шулай ук мастер-класслар үткәрәчәк. Рәссамнар өчен костюмнар буенча  консультацияләр дә уздыру планлаштырыла. </p> <p> Иҗади остаханә 16:00 сәгатьтә ачылачак. Бәйрәм кичендә Татарстан Республикасының атказанган артисткасы Илүсә Хуҗина һәм Gauga татар рок-төркеме фронтмены Оскар Юнысовның акустик концерты оештырылачак. Театр кунаклары Наҗия Галимова белән аралаша һәм аның киемнәр коллекциясе белән таныша ала. Иҗади остаханә ачылышына керү Тинчурин театры <a href="https://teatr-karima-tinchurina.timepad.ru/event/1966843/">сайтында</a> алдан теркәлү буенча башкарыла. </p> <p> Наҗия Галимова – рәссам-дизайнер, модельер, КФУның әдәбиять-сәнгать салонының мактаулы әгъзасы. Хәзерге татар костюмы буенча әйдәп баручы белгечләрнең берсе буларак, ул Islamic Clothes Халыкара конкурсы гран-при иясе, «Этно-Эрато» халыкара милли костюмы конкурсында «Заманча костюмдагы этник мотивлар» номинациясендә җиңүче, «Европа-Азия» халыкара гуманитар академиясе, ЮНЕСКО мәдәният институты рәхмәт хатлары белән бүләкләнгән. </p>

2022-03-22T11:20:43+0300