Татарстанда коронавирус белән авыруның 86 яңа очрагы теркәлгән

65 кешенең авыруы симптомсыз яки җиңел формада уза, алар өйләрендә дәвалана.

(Казан шәһәре KZN.RU, 4-нче май). Татарстанда коронавирус инфекциясе тагы 86 кешедә ачыкланган. Аларның 21-е хастаханәгә озатылган, 65 кешенең авыруы симптомсыз яки җиңел формада уза, алар өйләрендә дәвалана.

Коронавирус инфекциясе таралуга каршы тору буенча республика оператив штабында хәбәр итүләренчә, 2 очрак читтән алып кайтылган, калганнары инфекциялеләр белән элемтәдән соң авырый башлаган.

Авыручылар арасында 8 балигъ булмаган бала бар. 18 яшьтән 30 яшькә кадәрге - 7 кеше, 26 кеше - 30 яшьтән 50 яшькә кадәрге, 24 кеше - 50 яшьтән 60 яшькә кадәр, 12 кеше - 60 яшьтән алып 70 яшькә кадәр, 7 кеше - 70-тән 80-гә кадәр, 2 кеше - 80 яшьтән 90 яшькә кадәр.

42 авыручы - Казанда, 11 кеше - Чаллыда, 7 кеше - Түбән Кама районында, 2-шәр кеше - Питрәч, Яшел Үзән, Сарман, Арча һәм Биектау районнарында, берешәр кеше - Чистай, Чирмешән, Алабуга, Әгерҗе, Лениногорск һәм Балтач районнарында.

4-нче майга Татарстанда барлыгы СОVID-19 авыруы 1117 кешедә теркәлгән, 145 кеше сәламәтләнгән, шул исәптән соңгы тәүлектә - 15 кеше.

Россиядә тәүлеккә 10 мең 581 СОVID-19 очрагы расланган. Шул рәвешле, илдә очраклар саны 145 мең 268 меңгә җитте, 18 мең 95 кеше сәламәтләнде, 1356 - үлде.

Шулай ук укыгыз

Барлык яңалыклар