Татарстанда коронавирус белән авыруның 85 яңа очрагы теркәлгән

Бер тәүлек эчендә СОVID-19 белән авырган 97 кеше савыкты.

Фото: Казан шәһәре KZN.RU

(Казан шәһәре KZN.RU, 21-нче гыйнвар). Татарстанда COVID-19 белән авыруның 85 яңа очрагы теркәлгән, шуларның берсе читтән кайтучыларда, калганнары контактлы. 30 кеше хастаханәгә озатылган, 55 кеше өйләрендә дәвалана.

Авыручылар арасында ике балигъ булмаган бала, 18 яшьтән 30 яшькә кадәрге 6 кеше бар, 23 кеше – 30 яшьтән 50 яшькә кадәр, 14 кеше – 50 яшьтән 60 яшькә кадәр, 23 кеше – 60 яшьтән 70 яшькә кадәр, 11 кеше – 70 яшьтән 80 яшькә кадәр, 6 кеше – 80 яшьтән 90 яшькә кадәр.

47 кеше – Казанда, 7 кеше – Нурлат районында, 5 кеше – Яр Чаллыда һәм Түбән Кама районында, 4 кеше – Кама Тамагы районында, өч кеше – Биектау районында, икәү – Буа, Алабуга, Яшел Үзән һәм Питрәч районнарында, берәр кеше – Алексеевск, Апас, Югары Ослан, Чүпрәле, Тәтеш һәм Тукай районнарында яши.

Барлыгы 21-нче гыйнварга Татарстанда 15 мең 189 COVID-19 йоктыру очрагы теркәлгән. Пандемиянең бөтен чорында 11 мең 577 кеше сәламәтләнде, шул исәптән 97 кеше – узган тәүлектә, дип хәбәр итә ТР Сәламәтлек саклау министрлыгының матбугат хезмәте. 20-нче гыйнварга булган мәгълүматларга караганда, республикада СОVID-19 белән зарарланудан 233 үлем очрагы теркәлгән.

Бүгенгә «Спутник V» вакцинасын 8183 татарстанлы кадатты, шуларның 1876-сы – икенче микъдарны. Барлыгы республикага 13 мең 442 комплект вакцина килгән, шуларның 61%-ы диярлек тотылган. Исегезгә төшерәбез, казанлылар ТР дәүләт хезмәтләре порталы аша коронавирус инфекциясеннән вакцинацияләнүгә языла алалар.

Федераль оператив штаб мәгълүматы буенча, Россиядә тәүлеккә 21 мең 887 яңа авыру очрагы теркәлгән. Илдә барлыгы 3 млн 655 мең 839 кеше авырган, 3 млн 54 мең 218 кеше сәламәтләнгән, 67 мең 832 кеше үлгән.

Шулай ук укыгыз

Барлык яңалыклар