Татарстанда коронавирус белән авыруның 105 яңа очрагы теркәлгән

Аларның 41-е Казанда яши.

(Казан шәһәре KZN.RU, 7-нче май). Татарстанда коронавирус инфекциясе тагын 105 кешедә ачыкланган. Аларның 31-е хастаханәгә озатылган, авыруы симптомсыз яки җиңел формада уза торган 74 кеше өйләрендә дәвалана.

Коронавирус инфекциясе таралуга каршы тору буенча республика оператив штабында хәбәр итүләренчә, 8 очрак - читтән алып керелгән, 97 авыру йоктырган кешеләр белән элемтәдә булган.

Авыручылар арасында 1 балигъ булмаган яшьтәге бала бар, 18 кеше - 18 яшьтән 30 яшькә кадәр, 31 кеше - 30 яшьтән 50 яшькә кадәр, 24 кеше - 50 яшьтән 60 яшькә кадәр, 27 кеше - 60 яшьтән 70 яшькә кадәр, 4 кеше - 70-тән 80 яшькә кадәр.

41 кеше - Казанда, 22 кеше - Яр Чаллыда, 11 кеше - Түбән Кама районында, 6-шар кеше - Әлмәт, Арча районнарында, 4-әр кеше - Алабуга, Мамадыш районнарында, 2-шәр кеше - Биектау һәм Питрәч районнарында һәм берәр кеше - Балтач, Лаеш, Лениногорск, Саба һәм Тәтеш районнарында.

7-нче майга Татарстанда барлыгы 1415 СОVID-19 белән авыру очрагы теркәлгән, 252 кеше сәламәтләнгән, шул исәптән соңгы тәүлектә - 68 кеше, шуларның 35-е - Казанда, тугызы - Чаллыда, алтысы - Теләче районында, дүртәр - Түбән Кама, Биектау районнарында, икешәр - Чүпрәле, Лаеш, Саба районнарында, берәр кеше - Арча, Кукмара, Питрәч һәм Чистай районнарында яшәүчеләр.

Расланган диагноз белән 375 кеше стационарда тора, шуларның 6-сы үпкәләрне ясалма вентиляцияләү аппаратларына тоташтырылган, дүртесе үлгән.

Россиядә бер тәүлек эчендә COVID-19 авыруының 11 мең 231 яңа очрагы расланды. Шул рәвешле, илдә барлыгы 177 мең 160 кеше авыру йоктырган, 23 мең 803 кеше сәламәтләнгән, 1625 кеше вафат булган.

Шулай ук укыгыз

Барлык яңалыклар