Татарстанда грипп һәм ОРВИ профилактикасы мәсьәләләре буенча кайнар линия эшли башлады

Республика халкы 15-нче октябрьгә кадәр Кулланучылар хокукларын яклау һәм кеше иминлеге өлкәсендә күзәтчелек федераль хезмәте вәкилләренә үз сорауларын бирә ала.

Фото: Марат Мугинов

(Казан шәһәре KZN.RU, 6-нчы октябрь). Татарстанда грипп һәм ОРВИ профилактикасы мәсьәләләре буенча кайнар линия эшли. Казанлылар кулланучылар хокукларын яклау һәм кеше иминлеге өлкәсендә күзәтчелек федераль хезмәте белгечләренә үз сорауларын 15-нче октябрьгә кадәр бирә алачаклар.

Ведомство хезмәткәрләре вакцинацияне кайда узарга мөмкин, аңа ничек дөрес итеп әзерләнергә һәм төрле прививкаларны бер үк вакытта ясатырга мөмкинме икәнлеге турында сөйләячәкләр. Белгечләр шулай ук ата-аналарга балаларны салкын тиюләрдән саклау, битлекләрне дөрес куллану һәм сезонлы инфекцияләрне профилактикалауның башка чараларын үтәү буенча киңәшләр бирәчәкләр.

Шалтыратулар эш көннәрендә 10:00 сәгатьтән 16:00 сәгатькә кадәр +7(843)238-52-11, +7(843)238-96-84 телефоннары буенча кабул ителә, дип хәбәр итә Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең ТР буенча идарәсе матбугат хезмәте.

Шулай ук укыгыз

Барлык яңалыклар