Татарстанда сәүдә залында сөт продуктларын урнаштыру кагыйдәләре буенча кайнар линия эшли башлады

Шәһәрлеләрнең сорауларына Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең ТР буенча идарәсе белгечләре җавап бирәчәк.

(Казан шәһәре KZN.RU, 13-нче август). Татарстанда сөт, составларында сөт булган һәм сөтле продуктлар урнаштыру кагыйдәләре буенча кайнар линия эшли башлады. Шәһәрлеләрнең сорауларына Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең Татарстан Республикасы буенча идарәсенең туклану гигиенасы буенча күзәтчелек бүлеге белгечләре җавап бирәчәк.

Консультация алу өчен түбәндәге телефон аша 10.00 сәгатьтән 16.00 сәгатькә кадәр шалтыратырга кирәк: (843) 273-34-85. Шулай ук барлык кызыксындырган сораулар белән түбәндәге номер буенча мөрәҗәгать итәргә мөмкин: 8-800-555-49-43.

1-нче июльдән сәүдә залында яки сату урынында сөт продуктларын урнаштыру аларны башка азык-төлек продуктларыннан визуаль аерырга мөмкинлек бирә торган ысул белән башкарылырга һәм «Сөт майларын алмаштыру кулланылмаган продуктлар» мәгълүмат язуы белән билгеләнергә тиеш, дип искә төшерә ведомствоның матбугат хезмәте.

Шулай ук укыгыз

Барлык яңалыклар