Татарстанда тәүлек эчендә коронавирус йоктыруның 193 яңа очрагы теркәлгән

Республикабызда яшәүче 25,9 мең кеше COVID-19га каршы вакцинацияләнгән.

Фото: Денис Гордийко

(Казан шәһәре KZN.RU, 8-нче декабрь). Татарстанда COVID-19 белән авыруның 193 яңа очрагы теркәлгән, шуларның берсе читтән кергән, калганнары элемтә аша. 59 кеше хастаханәгә озатылган, 134 кеше өйдә дәвалана.

Авыручылар арасында Казаннан – 98 кеше, Чаллыдан – 32 кеше, Яшел Үзән районыннан – 15 кеше, Түбән Кама районыннан – 11 кеше, Актаныш, Әтнә һәм Зәй районнарыннан – 4-әр кеше, Балык Бистәсе һәм Саба районнарыннан – 3-әр кеше, 2-шәр кеше – Арча, Балтач, Югары Ослан, Алабуга, Менделеевск, Минзәлә һәм Тукай районнарыннан, берәр кеше Бөгелмә, Кукмара, Лаеш, Лениногорск һәм Мөслим районнарыннан бар.

8-нче декабрьгә Татарстанда 39 мең 850 COVID-19 йоктыру очрагы теркәлгән. Пандемиянең бөтен чорында 33 мең 110 кеше савыкты, шул исәптән 246-сы – узган тәүлектә. Татарстан Республикасының 2 млн 141 мең 824 кешесе прививка ясаткан (тәүлеккә үсеш – 25 мең 901 кеше), шуларның 1 млн 654 мең 785 икенче прививка белән вакцинация узган, дип хәбәр итә ТР Сәламәтлек саклау министрлыгының матбугат хезмәте.

Федераль оператив штаб мәгълүматы буенча, Россиядә тәүлеккә 30 мең 752 яңа авыру очрагы теркәлгән. Илдә 9 млн 895 мең 597 кеше авырган, 8 млн 602 мең 67 кеше сәламәтләнгән.

Исегезгә төшерәбез, коронавируска каршы прививканы поликлиникаларда гына түгел, ә вакцинациянең мобиль пунктларында да ясатырга мөмкин. Алар мәдәният учреждениеләрендә, сәүдә үзәкләрендә, кредит оешмаларында һәм башка урыннарда урнашкан. Адреслары һәм аларның эш режимы KZN.RU порталында бастырылган.

Шулай ук укыгыз

Барлык яңалыклар