Татарстанда ел волонтеры – 2023 не сайлыйлар

Конкурста катнашу өчен гаризаны 20 нче октябрьгә кадәр тапшырырга мөмкин

Фото: Марат Мөгыйнов

(Казан шәһәре KZN.RU, 5 нче октябрь). «Игелекле Татарстан» республика премиясендә катнашу өчен гаризалар кабул итү башланды. Жюри волонтерлар, командалар һәм бизнес вәкилләре арасында иң яхшыларын билгеләячәк. Җиңүчеләр һәм лауреатлар дипломнар һәм кыйммәтле бүләкләр алачак.

Гаризалар 20 нче октябрьгә кадәр кабул ителә. Сигез яшьтән волонтерлар катнаша ала. «Волонтерлар» юнәлешендә гадәттән тыш хәлләр, социаль эш, сәламәтлек саклау, экология, туризм, вакыйгалар юнәлеше һ.б. өлкәләрдәге волонтерлар арасында иң яхшыларны билгеләячәкләр. «ТР Ел волонтеры – 2023» номинациясендә гаризалар аерым кабул ителә. Премиядә мәктәп отрядлары, урта махсус уку йортлары һәм югары уку йортлары каршындагы волонтерлык үзәкләре командалары да катнаша ала. «Бизнес» юнәлешендә гаризаларны кече, урта һәм эре эшмәкәрләрдән кабул итәләр.

Конкурста катнашу өчен сайтта теркәлергә, анкета төзергә, биремне үтәргә (эссе язарга, видео төшерергә яки халыкка ярдәм итүне гамәлгә ашыру практикасын тасвирларга), портфолионы беркетергә кирәк. Детальләрне нигезләмәдән белергә мөмкин.

Конкурс нәтиҗәләре ноябрь-декабрь айларында җиңүчеләрне бүләкләү тантанасында билгеле булачак, дип хәбәр итә ТР Яшьләр эшләре министрлыгы.

Шулай ук укыгыз

Барлык яңалыклар