Татарстанда икенче тәүлек рәттән коронавирус белән авыруның 245 очрагы теркәлә

77 казанлыда COVID-19 ачыкланган.

Фото: Марат Мөгыйнов

(Казан шәһәре KZN.RU, 19 нчы апрель). Тәүлек эчендә Татарстанда коронавирус белән авыруның 245 очрагы ачыкланган, шул исәптән 77 очрак – Казанда. Кичә Татарстан буенча шундый ук санда зараланучылар теркәлгән булган. 13 кеше хастаханәгә озатылган. «Коронавирус» диагнозы 32 бала һәм яшүсмердә расланган.

19 нчы апрельгә Татарстанда COVID-19 белән авыруның 142 мең 107 очрагы ачыкланган, 135 мең 977 кеше савыккан, шул исәптән 245 е – узган тәүлектә, дип хәбәр итә ТР Сәламәтлек саклау министрлыгының матбугат хезмәте. Пандемия башланганнан бирле 1949 кеше үлгән, шуларның 3 се тәүлек эчендә.

Федераль оператив штаб мәгълүматы буенча, Россиядә бер тәүлек эчендә «коронавирус» диагнозы 8640 тапкыр расланган, 16 мең 763 кеше сәламәтләнгән. Барлыгы илдә 18 млн 92 мең 791 авыру очрагы һәм 17 млн 407 мең 228 савыгу очрагы теркәлгән.

Татарстан Республикасында 2 млн 515 мең 14 кеше вакцинацияләнгән (тәүлеккә үсеш – 759 кеше), шулардан 1 млн 926 мең 203 кеше икенче прививка алган. Кабат вакцинацияне 292 мең 521 кеше узган.

Исегезгә төшерәбез, коронавируска каршы прививканы поликлиникаларда гына түгел, ә вакцинациянең мобиль пунктларында да ясатырга мөмкин. Аларның эш тәртибе һәм адресы KZN.RU порталында бастырылган.

Шулай ук укыгыз

Барлык яңалыклар