Яңалыклар
13.10.2021, 16:24
Татарстанда автомәктәпләр эше мәсьәләләре буенча аноним кайнар линия эшли башлый
Казанлылар хокук бозулар һәм законсызлыклар турында хәбәр итә ала.
Фото: Денис Гордийко
(Казан шәһәре KZN.RU, 13-нче октябрь). Татарстанда республика территориясендә автомәктәпләр эшчәнлегенә бәйле мәсьәләләр буенча кайнар линия эшли башлый. Сорауларга Татарстан Республикасы Мәгариф һәм фән министрлыгының Мәгариф өлкәсендә күзәтчелек һәм контроль департаменты хезмәткәрләре җавап бирә.
Аңа автомәктәпләр эшендә хокук бозулар һәм законсызлыклар белән очрашкан һәркем мөрәҗәгать итә ала. Аерым алганда, казанлылар гамәли дәресләр әйтелгәнгә караганда азрак дәвам итсә, ә теория сыйфатсыз укытыла икән, укытучылар үзләрен педагогика таләпләренә ярашлы тотмаса, шулай ук бер автомәктәптә укып, сертификат икенчесендә бирелсә мөрәҗәгать итә ала. Барлык мөрәҗәгать итүчеләргә анонимлык гарантияләнә.
Мондый очраклар турында «ВКонтакте» рәсми төркемендә, Instagramда яки Landysh.Ahmetova@tatar.ru электрон адресына хәбәр итәргә була. Шулай ук 7(987)411-64-63 кайнар линия телефонына шалтыратырга мөмкин, дип хәбәр итә ТР мәгариф өлкәсендә күзәтчелек һәм контроль департаменты.
Шулай ук укыгыз
-
28.04.2025, 17:54 -
28.04.2025, 16:10 -
28.04.2025, 15:28 -
28.04.2025, 15:14
