Татарстанда урманнарда йөрүгә яңадан чикләүләр кертелде

Тыю өч атна дәвам итәчәк.

Фото: Марат Мугинов

(Казан шәһәре KZN.RU, 3-нче август). Татарстанда эссе һава торышы сәбәпле, Гражданнарның урманнарда булуына һәм аларга транспортта керүенә янә чикләүләр кертелде. Тиешле карар ТР Министрлар Кабинетында имзаланды. Элегрәк урыннар белән республика территориясендә урманнарда зур янгын куркынычы (4 класслы) игълан ителде.

Әгерҗе, Азнакай, Аксубай, Әлки, Әлмәт, Арча, Баулы, Биләр, Болгар, Бөгелмә, Буа, Алабуга, Зәй, Яшел Үзән, Ислейтар, Кайбыч, Кәләй, Кама, Кызыл Йолдыз, Лаеш, Лениногорск, Лубян, Мамадыш, Минзәлә, Түбән Кама, Норлат, Идел буе, Шәһәр яны, Саба, Тәтеш һәм Чирмешән урманчылыкларында кешеләргә урманнарда булу, транспорт белән керү һәм билгеле бер төр эшләр башкару чикләнгән. Урманнардан файдалану буенча законнар нигезендә эшчәнлек алып баручы затларның гомуми файдаланудагы юллар буйлап үтәли йөрүе искәрмә булып тора.

Мондый чаралар янгын куркынычсызлыгын тәэмин итү өчен кирәк, дип ачыклык кертелә документта. Чикләүләр 2-нче августтан 21 көн дәвамында гамәлдә булачак. Шундый ук тыюлар июнь аенда, Татарстанда аномаль эссе һава торышы булганда кертелгән.

Урман тармагы белгечләре чикләүләр турында күрсәткечләр урнаштырды, шулай ук урман юллары буйлап йөрү шлагбаумнарын япты. Урманнарда тәүлек буе кизү тору оештырылды, урман массивларында патрульлек итү көчәйде, ял көннәрендә урманнарга массакүләм килү урыннарында вакытлыча постлар булдырылды. Моннан тыш, гадәттән тыш хәл очрагына янгын сүндерү көчләре һәм чаралары, шул исәптән резервлары да тулы әзерлектә, дип хәбәр итә ТР Урман хуҗалыгы министрлыгының Матбугат хезмәте.

Чикләүләр турында өстәмә мәгълүмат алу өчен Урман янгыннары үзәгенең региональ диспетчерлык хезмәтенә түбәндәге телефон буенча мөрәҗәгать итәргә мөмкин: +7(843)221-37-95 һәм бердәм федераль урман сагы номерына +7(800)100-94-00 номеры буенча.

Шулай ук укыгыз

Барлык яңалыклар