Татарстанда коронавируска каршы вакцинацияне 89 меңнән артык кеше узган.

Узган тәүлектә республиканың СОVID-19 белән авырган 95 кешесе сәламәтләнгән.

Фото: Марат Мугинов

(Казан шәһәре KZN.RU, 5-нче март). Татарстанда COVID-19 белән авыруның 51 яңа очрагы теркәлгән, шуларның берсе читтән кайтарылган, калганнары – контактлы. 25 кеше хастаханәгә озатылган, 26 кеше өйләрендә дәвалана.

Авыручылар арасында бер балигъ булмаган бала бар, 3 кеше - 18 яшьтән 30 яшькә кадәр, 15 кеше – 30 яшьтән 50 яшькә кадәр, 8 кеше – 50 яшьтән 60 яшькә кадәр, 13 кеше – 60 яшьтән 70 яшькә кадәр, 5 кеше – 70 яшьтән 80 яшькә кадәр, 6 кеше – 80 яшьтән 90 яшькә кадәр.

23 авыручы Казанда яши, 11 кеше – Яр Чаллыда, 5 кеше – Норлат районында, икешәр кеше – Әлмәт һәм Минзәлә районнарында, берәр кеше – Бөгелмә, Югары Ослан, Алабуга, Менделеевск, Түбән Кама, Питрәч, Балык Бистәсе, Тукай районнарында.

5-нче мартка Татарстанда 18 мең 235 СОVID-19 авыруы очрагы теркәлгән. Пандемиянең бөтен чорында 14 мең 937 кеше сәламәтләнгән, шул исәптән 95 кеше – узган тәүлектә.

Коронавируска каршы 89 мең 223 кеше (тәүлеккә үсеш – 2353 кеше) прививка ясаткан, шулардан 20 мең 564 кеше икенче дозаны алган, дип хәбәр итә ТР Сәламәтлек саклау министрлыгы матбугат хезмәте.

Федераль оператив штаб мәгълүматы буенча, Россиядә тәүлектә 11 мең 24 яңа авыру очрагы ачыкланган. Барлыгы илдә 4 млн 301 мең 159 кеше авырган, 3 млн 885 мең 321 кеше сәламәтләнгән, 88 мең 285 кеше үлгән.

Шулай ук укыгыз

Барлык яңалыклар