Татарстанда мәктәп укучыларының республика һәм бөтенроссия олимпиадаларының муниципаль этабы башлана

Олимпиада 24 гомуми белем бирү фәннәре буенча узачак.

(Казан шәһәре KZN.RU, 7-нче ноябрь). 8-нче ноябрьдә Татарстан Республикасында мәктәп укучыларының республика һәм бөтенроссия олимпиадаларының муниципаль этабы старт ала. Олимпиада республиканың алдан билгеләнгән база мәйданчыкларында 24 гомуми белем фәне буенча узачак.

Укучылар шулай ук рус теле һәм рус әдәбияты буенча, ә укыту туган телдә алып барылган мәктәпләрдә – туган теле һәм туган әдәбияты буенча белемнәрен тикшерәчәк.

Олимпиаданың муниципаль этабы 23-нче декабрьдә тәмамланачак, шуннан соң 2019-2020 еллар сезоны бөтенроссия мәктәп укучылары олимпиадасының республика һәм региональ этабының йомгаклау этабында катнашучыларның исемнәре билгеле булачак.

Узган ел республика һәм бөтенроссия мәктәп укучылары олимпиадасының муниципаль этабында 68 мең 233 укучы катнашты, шуларның 13 мең 779-ы җиңүче һәм призер булды, дип хәбәр итә ТР Мәгариф һәм фән министрлыгы матбугат хезмәте. Татарстан Республикасының тагын 318 укучысы Бөтенроссия мәктәп укучылары олимпиадасының йомгаклау этабына узды, шуларның 148-е, сынау нәтиҗәләре буенча республика позициясен Мәскәү һәм Санкт-Петербургтан соң өченче урында ныгытып, медальләр яулады.

Шулай ук укыгыз

Барлык яңалыклар