Татарстанда яшьләргә грант ярдәме конкурсы башланды

Татарстанда яшьләргә грант ярдәме конкурсы башланды

<p> <img width="870" src="https://www.kzn.ru/upload/iblock/725/245107173_21192_10837175455043168813.jpg" height="653"><br> </p> <p> (Казан шәһәре KZN.RU, 11-нче декабрь). Татарстанда яшьләргә грант ярдәме конкурсы башланды. Беренче тапкыр грант алу өчен катнашучыларга иҗтимагый оешманы тәкъдим итү мәҗбүри түгел – грантларны физик затлар алачак. 18-30 яшь аралыгындагы конкурста катнашучылардан гаризалар 11-нче гыйнварга кадәр кабул ителә. </p> <p> Конкурста катнашу өчен, грантка дәгъва итүчеләргә <a href="https://grantminmol-rt.ru/" target="_blank">сайтта</a> онлайн-анкета тутырырга, проектның максатларын һәм бурычларын, актуальлеген, тормышка ашыру планын һәм бюджетын күрсәтергә кирәк. Читтән торып үткәрелгән эксперт бәяләвеннән соң, иң яхшы проектлар турыдан-туры презентациягә эләгәчәкләр. </p> <p> Конкурста тугыз юнәлеш каралган, шул исәптән үзмәшгульләр өчен. Грантның максималь суммасы 300 мең сум тәшкил итә. Бу акчаларны җиңүче киләсе ел дәвамында үз проектын тормышка ашыру өчен файдаланачак, ә аннан соң – хисап тапшырырга һәм проектның сыйфатлы һәм санлы нәтиҗәләре турында сөйләргә тиеш булачак. </p> <p> Конкурста катнашу өчен гаризалар 2020 елның 11-нче гыйнварына кадәр кабул ителә. Республика конкурсын үткәрүнең инициаторы - Татарстан Яшьләр эшләре министрлыгы, дип хәбәр итә ведомствоның матбугат хезмәте. </p>

2019-12-11T17:41:27+0300