Татарстанда хайваннар белән эш итү мәсьәләләре буенча эшче төркем төзеләчәк

Берләшмәгә 18 яшьтән өлкәнрәк булган һәркем кушыла ала, моның өчен анкета тутырырга кирәк.

Фото: Денис Гордийко

(Казан шәһәре KZN.RU, 17 нче февраль). Татарстанда хайваннар белән эш итү мәсьәләләре буенча эшче төркем барлыкка киләчәк. Аны ТР шәһәрләрен үстерү институты һәм республика Министрлар Кабинетының Баш ветеринария идарәсе оештырачак.

Эшче төркемгә 18 яшьтән өлкәнрәк булган барлык кызыксынган татарстанлылар һәм профиль берләшмә вәкилләре – ветеринарлар, социологлар, аллергологлар керә ала. Аларга яшәүчеләрнең хайваннар белән мөнәсәбәтләрен җайга салу өчен компетенцияләре белән бүлешергә туры киләчәк.

Берләшмәгә кушылу өчен сылтама буенча анкета тутырырга кирәк. Гаризаларны 27 нче февральгә кадәр кабул итәләр, дип хәбәр итә «ТР шәһәрләрен үстерү институты» фонды матбугат хезмәте.

Эшче төркем ТР Хөкүмәте каршында эшләячәк. Аның бурычлары – гражданнарның хайваннарны саклау һәм аларның иминлеге өчен хайваннар белән мөнәсәбәтләрен, шулай ук хайваннар белән эш иткәндә гражданнарның хокуклары һәм мәнфәгатьләрен җайга сала торган закон проектларын тәкъдим итү һәм тикшерү. Тәкъдимнәр «Хайваннар дөньясын саклау» федераль проектының иҗтимагый советында катнашучыларның мөрәҗәгатьләре нигезендә төзеләчәк.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар