Бүген Татарстанда гаилә һәм балаларны яклау мәсьәләләре буенча кайнар линия эшли

Сорауларга республика омбудсмены, ТР Дәүләт Советы, министрлыклар һәм «Ватанны саклаучылар» фондының төбәк филиалы вәкилләре җавап бирәчәк

Бүген Татарстан халкы Гаилә, мәхәббәт һәм тугрылык көненә багышланган кайнар линиягә мөрәҗәгать итә алачак. Консультацияләр бушлай үткәреләчәк.

Белгечләр гаилә һәм балаларны яклау темасына кагылышлы сорауларга җавап бирәчәк. Шалтыратуларны Татарстан республикасында Кеше хокуклары буенча вәкаләтле вәкил Сәрия Сабурская, ТР Дәүләт Советының хатын-кыз депутатларның «Мәрхәмәт – Милосердие» берләшмәсе вәкилләре, ТР Мәгариф һәм фән министрлыгы, ТР Яшьләр эшләре министрлыгы, ТР Хезмәт, халыкны эш белән тәэмин итү һәм социаль яклау министрлыгы, «Ватанны саклаучылар» фондының төбәк филиалы, РФ Социаль фондының республика бүлекчәсе кабул итә.

Кайнар линия 14:00 сәгатьтән эшли. Шалтыратулар +7(843)236-00-71 номеры буенча кабул ителә; WhatsApp* мессенджерында +7(960)049-68-14 номеры буенча хәбәр җибәрергә мөмкин (Рәсәйдә экстремистик оешма дип танылган һәм тыелган Metaга карый). Бу турыда Татарстан республикасында Кеше хокуклары буенча вәкаләтле вәкил аппаратында хәбәр иттеләр.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар