Татарстанда үзизоляция режимыннан этаплап чыгу планы эшләнде

Документ якындагы көннәрдә, Татарстан Республикасы Президенты белән килештерелгәннән соң, республика халкына тәкъдим ителәчәк.

(Казан шәһәре KZN.RU, 7-нче май, Алинә Бережная). Татарстанда үзизоляция режимыннан этаплап чыгу планы эшләнде. Документ якындагы көннәрдә, Татарстан Республикасы Президенты белән килештерелгәннән соң, республика халкына тәкъдим ителәчәк. Бу хакта бүген ТР Министрлар Кабинетында узган брифингта ТР Президенты матбугат хезмәте җитәкчесе Лилия Галимова сөйләде.

Татарстан хакимияте чикләүләрне этаплап бетерү буенча үз планын эшләде. Документта республикада санитар-эпидемиологик вәзгыятьнең барлык үзенчәлекләре исәпкә алынган. Узган атнада татарстанлыларга урамда спорт белән шөгыльләнергә рөхсәт ителде.

Лилия Галимова сүзләренә караганда, республикада гамәлдәге режимга йомшаклыклар кертү
иминлекнең санитар-эпидемиологик чаралары үтәлгәндә генә мөмкин - ТР Президенты Рөстәм Миңнеханов шундый
шарт куйган. «Бу социаль дистанцияне мәҗбүри саклау, кешеләр күпләп җыела торган урыннарда саклану чараларын куллану кирәклеген аңлата. Әлеге шартлар республика Президенты билгеләгән үзизоляция режимыннан чыгу өчен принципиаль булып тора», - диде Л.Галимова. Санитар-эпидемиологик нормаларның үтәлүен Кулланучылар хокукларын яклау һәм кеше иминлеге өлкәсендә күзәтчелек федераль хезмәте күзәтәчәк.

Шулай ук укыгыз

Барлык яңалыклар