Татарстанда 2024 елга җитештерү календаре эшләнде

Яңа ел каникулларында республика халкы 1 нче гыйнвардан 8 нче гыйнварга кадәр ял итәчәк

Фото: Казан шәһәре KZN.RU

(Казан шәһәре KZN.RU, 26 нчы октябрь). Татарстан Хезмәт, халыкны эш белән тәэмин итү һәм социаль яклау министрлыгы 2023 елга җитештерү календаре бастырып чыгарды. Биш көнлек эш атнасында республика халкы 245 көн эшләячәк, ә 121 көн ял итәчәк.

Җитештерү календаре нигезендә, 2024 елда Татарстанда эшләми торган бәйрәм көннәре булып түбәндәгеләр торачак:

1 нче гыйнвардан 6 нчы гыйнварга кадәр һәм 8 нче гыйнварда – Яңа ел каникуллары;

7 нче гыйнвар – Раштуа;

23 нче февраль – Ватанны саклаучылар көне;

8 нче март – Халыкара хатын-кызлар көне;

1 нче май – Яз һәм Хезмәт бәйрәме;

9 нчы май – Җиңү көне;

12 нче июнь – Россия көне;

30 нчы август – Татарстан Республикасы көне;

4 нче ноябрь – Халыклар бердәмлеге көне;

6 нчы ноябрь – Татарстан Республикасы Конституциясе көне;

Ураза гаете;

Корбан гаете.

Ай календаре һәм традицияләр буенча Ураза бәйрәме һәм Корбан бәйрәме башлануга туры килгән көннәр Татарстан Рәисе Указы белән билгеләнә. Республика мөселманнары Диния нәзарәте мәгълүматлары буенча, Ураза бәйрәмен – 10 нчы апрельдә, Корбан бәйрәмен 16 нчы июньдә бәйрәм итәчәкләр.

Ял һәм эшләми торган бәйрәм көннәре туры килсә, ял көне бәйрәмнән соң киләсе эш көненә күчерелә, гыйнвар бәйрәмнәре искәрмә булып тора. Киләсе елда түбәндәге ял көннәре күчереләчәк: 6 нчы гыйнвар шимбәсе 10 нчы май җомгасына; 7 нче гыйнвар якшәмбесе 31 нче декабрь сишәмбесенә; 27 нче апрель шимбәсе 29 нчы апрель дүшәмбесенә; 2 нче ноябрь шимбәсе 30 нчы апрель сишәмбесенә; 28 нче декабрь шимбәсе 30 нчы декабрь дүшәмбесенә.

Эшләми торган бәйрәм көне алдыннан килгән эш көненең яки сменаның озынлыгы бер сәгатькә кыскартыла.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар