Татарстанда такси һәм каршеринг хезмәтләре буенча кайнар линия эшли

Республика халкына Россия Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең ТР буенча идарәсе белгечләре консультация бирәчәк.

(Казан шәһәре KZN.RU, 28-нче декабрь). 15 гыйнварга кадәр Татарстанда такси һәм каршеринг хезмәтләре буенча кайнар линия эшли. Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең ТР идарәсе белгечләре республика халкына такси кулланганда транспорт хезмәте күрсәтү һәм кулланучылар хокукларын яклау мәсьәләләре буенча консультация бирәчәкләр.

Республика халкыннан шалтыратулар эш көннәрендә 10.00 сәгатьтән 16.00 сәгатькә кадәр, 12.00 сәгатьтән 12.45 сәгатькә кадәр төшке аш вакыты белән, 8 (917) 224-87-94 кайнар линия телефоны буенча кабул ителә.

Моннан тыш, кулланучылар "Татарстан Республикасында Гигиена һәм эпидемиология үзәге" федераль бюджет сәламәтлек саклау учреждениесенең кулланучылар өчен консультация үзәгенә 8 (843) 221-90-16 телефоны буенча шалтырата алалар, дип хәбәр ителә ведомство сайтында.

Шулай ук укыгыз

Барлык яңалыклар