Татарстанда кулланучылар хокукларын яклау темасын иң яхшы яктыртуга конкурс уза

Эшләр 20-нче октябрьгә кадәр кабул ителә.

(Казан шәһәре KZN.RU, 10-нчы август). Татарстанда кулланучылар хокукларын яклау темасын иң яхшы яктыртуга конкурс уза. Эшләр 20-нче октябрьгә кадәр кабул ителә.

Конкурс массакүләм мәгълүмат чараларын кулланучылар хокукларын яклау мәсьәләләрен киң яктыртуга җәлеп итү максатында уздырыла. Җиңүчеләр һәм призерлар 5 номинациядә билгеләнәчәк: конкурс комиссиясе Татарстан Республикасында кулланучылар хокукларын яклау темасын яктырту буенча басма массакүләм мәгълүмат чараларында иң яхшы басманы, иң яхшы интернет-басманы, иң яхшы телесюжет (яки телетапшыру) һәм иң яхшы радиосюжет (яисә радиотапшыру) һәм шулай ук гражданнарның кулланучылык грамоталылыгы темасын иң яхшы яктырткан массакүләм мәгълүмат чаралары редакциясен сайлаячак. Конкурс үткәрү турындагы нигезләмә белән түбәндәге сылтама буенча танышырга мөмкин.

Документлар пакеты белән бергә конкурс эшләрен ТР Дәүләт алкоголь инспекциясендә түбәндәге адрес буенча кабул итәләр: 420107, Татарстан Республикасы, Казан ш., Һади Такташ ур., 94, яки почта аша, шулай ук konkurs.zpp@tatar.ru электрон почтасы аша «Татарстан Республикасында кулланучылар хокукларын яклау темасын иң яхшы яктыртуга конкурс» тамгасы белән 2020 елның 20-нче октябренә кадәр җибәрергә мөмкин.

Һәр номинациядә җиңүчеләр дипломнар һәм акчалата призлар белән бүләкләнәчәк.

Конкурс ТР Дәүләт алкоголь инспекциясе, ТР буенча Кулланучылар хокукларын яклау һәм кеше иминлеге өлкәсендә күзәтчелек федераль хезмәте идарәсе, «Татмедиа» Республика матбугат һәм массакүләм коммуникацияләр агентлыгы, ТР Журналистлар берлеге тарафыннан уздырыла.

Шулай ук укыгыз

Барлык яңалыклар