Яңалыклар
20.03.2019, 11:01
Татарстанда 2020 елда төзекләндерү өчен иҗтимагый киңлекләр өчен тавыш бирәләр
Онлайн-сораштыру ТР Дәүләт хезмәтләре сайтында үткәрелә.
(Казан шәһәре KZN.RU, 20-нче март). Татарстанда 2020 елда төзекләндерү өчен җәмәгать киңлекләрен билгеләү буенча "Уңайлы шәһәр тирәлеген формалаштыру" программасы буенча тавыш бирү башланды. Тавыш бирү нәтиҗәләре буенча исемлеккә Татарстан Республикасының күпчелек халкы тавыш биргән объектлар кертеләчәк.
Онлайн-сораштыруда катнашу өчен сылтама буенча күчәргә кирәк. Сораштыруда кызыксындырган районны күрсәтергә һәм төзекләндерү таләп итә торган территорияне исемлектән сайларга кирәк.
ТР Дәүләт хезмәтләре порталыннан тыш, тавыш бирү социаль челтәрләрдә, социологик сораштырулар аша һәм иҗтимагый фикер алышулар барышында уза. Тавыш бирү 15 апрельгә кадәр дәвам итәчәк.
2018 елгы шундый ук тавыш бирү нәтиҗәләре буенча тәкъдим ителгән 62 объектның 49-ы 2019 елда төзекләндерү исемлекләренә кертелгән иде. Казанда мондый иҗтимагый киңлекләр 5 - "Дубрава" урманының мәйданы, Түбән Кабан күле яр буеның икенче чираты, Аккош күле пляжы, Орджоникидзе скверы, Комсомольское күле пляжы.
Шулай ук укыгыз
-
29.04.2025, 17:56 -
29.04.2025, 17:11 -
29.04.2025, 16:43 -
29.04.2025, 16:02
