Татарстанда 19 меңнән артык кеше грипптан прививка ясаткан

Кичә республикага балалар вакцинасының беренче партиясе килә башлады.

(Казан шәһәре KZN.RU, 27-нче август, Ксения Швецова). Татарстанда грипптан 19 меңнән артык өлкән кеше прививка ясаткан. Кичә республикага балалар вакцинасының беренче партиясе килде, балалар арасында прививка кампаниясен якын арада башлау планлаштырыла, дип хәбәр итте бүген «Татар-информ» мәгълүмат агентлыгында узган матбугат конференциясендә ТР сәламәтлек саклау министры урынбасары – ТР Сәламәтлек саклау министрлыгының Казан буенча идарәсе башлыгы Владимир Жаворонков.

Бүгенге көнгә республикага грипптан 241 мең 544 доза вакцина килгән, ул балалар өчен, шулай ук йөкле хатын-кызлар өчен билгеләнгән.

«Киләсе атнада әлеге вакциналарны республика районнарының медицина учреждениеләренә җибәрәчәкбез һәм актив рәвештә вакцинация эшен башлыйбыз, – дип билгеләп үтте В.Жаворонков. – Уку елы башлану белән прививкаларны мәктәпләрдә күпләп ясаячаклар. Шулай ук эш предприятиеләр коллективларында барачак».

Табибларның мобиль бригадалары метро станцияләре янында, шулай ук сайлау участокларында эшләр, дип планлаштырыла».
Өлкәннәр өчен грипптан вакцинаның беренче партиясе республикага узган атнада килде – бу 255 мең 420 доза, дип искәртте В.Жаворонков. Бүгенгә грипптан 19 мең 106 кеше прививка ясаткан.

Исегезгә төшерәбез, быел республикада риск төркеменә керүчеләрнең барысын да грипптан вакциналау планлаштырыла – бу 2 миллионнан артык кеше яки халыкның 60%-ы, шул исәптән 607 мең 95 бала. Грипп вакекциясе бушлай уздырыла.

Шулай ук укыгыз

Барлык яңалыклар