Татарстанда «үтәли» цифрлы технологияләр базасында төзелгән проектларга ярдәм чаралары каралган

Татарстанлылар субсидияләрнең алты төренә өметләнә ала.

(Казан шәһәре KZN.RU, 25-нче август). Татарстанда «Цифрлы технологияләр» федераль проекты кысаларында «үтәли» цифрлы технологияләр базасында төзелгән проектларга ярдәм чаралары каралган.

Татарстанлылар субсидияләрнең алты төренә өметләнә ала: кече предприятиеләргә, алдынгы тикшеренү үзәкләренә, лидер компанияләргә, тармак карарларына, цифрлы икътисадның «үтәли» технологияләрен гамәлгә кертүнең төбәк проектларына, сәнәгать эшләнмәләренә ярдәм итү.

Октябрьдә «үтәли» цифрлы технологияләр базасында булдырылган ил продуктларын, сервисларны һәм платформа чишелешләрен кертү нигезендә икътисадның һәм социаль өлкәнең өстенлекле тармакларын үзгәртеп кору проектларына ярдәм итү буенча федераль бюджеттан субсидияләр бирү буенча конкурс игълан итү планлаштырыла. ТР Дәүләт идарәсенең, мәгълүмат технологияләренең һәм элемтәсенең цифрлы үсеш министрлыгы ИТ-парк белән берлектә хәзер үк оешмалар белән актив мәгълүмати-консультация бирү эше алып бара. Тулырак мәгълүматны сылтама буенча табарга була.

Моннан тыш, РФ Хөкүмәте карары белән федераль бюджеттан субсидияләр бирү тәртибе билгеләнгән. Документ нигезендә, проектларга ярдәм итүгә субсидияләр, цифрлы трансформация һәм мәгълүмати технологияләрне, шул исәптән цифрлы чишелешләрне кертү чараларын гамәлгә ашыручы оешмаларга ташламалы ставка (еллык 1 проценттан алып 5 процентка кадәр) буенча финанс чаралары бирүгә чыгымнарны каплау өчен, вәкаләтле банкларга бирелә. Федераль бюджетта әлеге максатларга ассигнованиеләр каралган: 2020 елда – 3,66 млрд сум, 2021 елда – 7,124 млрд сум.

Шулай ук компанияләргә, шул исәптән Россия технологик карарларын - программа белән тәэмин итү һәм программа-аппарат комплексларын сатып алуга ярдәм итү каралган. Проектка ташламалы кредитның максималь күләме 5 млрд сумга кадәр тәшкил итә, ә үзара бәйле берничә проекттан торган комплекслы программага – 10 млрд сумга кадәр. Тулырак мәгълүмат Россия Элемтә министрлыгының рәсми сайтында урнаштырылган.

Шулай ук укыгыз

Барлык яңалыклар