Татарстанда кулланучылар хокукларын яклау буенча кайнар линия ачылды

Кулланучылар хокукларын яклау һәм кеше иминлеге өлкәсендә күзәтчелек федераль хезмәте белгечләре республикалыларга товарлар һәм хезмәтләр сатып алу мәсьәләләре буенча консультация бирәчәкләр.

(Казан шәһәре KZN.RU, 11-нче март). 11 марттан Казанда кулланучылар хокукларын яклау буенча кайнар линия эшли башлады. Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең ТР идарәсе белгечләре казанлыларны товарлар һәм хезмәтләр, шул исәптән интернет аша сатып алу мәсьәләләре буенча консультация бирәчәкләр.

Кайнар линия эш көннәрендә 9.00 сәгатьтән 17.00 сәгатькә кадәр 22 мартка кадәр эшләячәк. Консультацияне 8 (917) 224-87-94 телефоны буенча алырга мөмкин.

Моннан тыш, казанлылар "Татарстан Республикасында Гигиена һәм эпидемиология үзәге" федераль бюджет сәламәтлек саклау учреждениесенең кулланучылар өчен консультация үзәгенә (843) 221-90-16 телефоны буенча шалтырата ала, дип хәбәр итә Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең ТР идарәсе матбугат хезмәте.

Кайнар линия 1983 елдан башлап ел саен 15 мартта билгеләп үтелә торган Бөтендөнья кулланучылар хокукларын яклау көненә багышлана. 1994 елдан бу көнгә Россия Федерациясе дә кушылды.

Шулай ук укыгыз

Барлык яңалыклар