Татарстанда кар һәм яңгырлы көчле җил булу сәбәпле, шторм кисәтүе игълан ителде

Татарстанда кар һәм яңгырлы көчле җил булу сәбәпле, шторм кисәтүе игълан ителде

<p> Татарстанда җил һәм һава торышының сизелерлек начараюы сәбәпле, давыл турында кисәтү игълан ителде. Иртәгә республикада юеш кар һәм яңгыр рәвешендә уртача һәм көчле явым-төшем, тизлеге секундына 15-20 метр, урыны белән секундына 25 метрга кадәр булган җил көтелә. Юлларда бозлавык барлыкка киләчәк. Төнлә температура +2 дән -2 градуска кадәр булачак. Иртән һәм көннең беренче яртысында +4..+9 градуска кадәр җылыта. Кичкә температураның +3..-2 градуска кадәр төшүе көтелә. </p> <p> Киләсе тәүлектә Казанда урыны белән шактый көчле юеш кар һәм яңгыр белән болытлы һава сакланачак. Кайбер районнарда юеш ябышкак кар булырга мөмкин. Синоптиклар көньяк, көньяк-көнбатыштан тизлеге секундына 9-14 метр, кинәт искәндә секундына 15-20 метрга булган җил вәгъдә итә. Иртән җилнең тизлеге секундына 23 метрга кадәр көчәергә мөмкин. Төнлә термометр баганалары 0 дән +2 градуска кадәр, иртән һәм көндез +5 ..+7 градуска кадәр күрсәтәчәк. Кичкә температура 0..-2 градуска кадәр төшәчәк. </p> <p> Якшәмбе көнне ТРда юеш кар рәвешендә явым-төшем булачак. Кайбер районнарда синоптиклар буран, бозлавык һәм күрү мөмкинлегенең начараюын вәгъдә итә. Көнбатыштан тизлеге секундына 15-20 метрга кадәр җитәргә мөмкин булган көчле җил саклана. Төнлә минималь температура -1..-5 градус, көндез -2 дән +1 градуска кадәр булыр дип фаразлана. Юллар тайгак булырга мөмкин. </p> <p> ТР Гидрометүзәге фаразлавы буенча, Татарстанда 4-6 ноябрь көннәрендә вакыты-вакыты белән кар яварга мөмкин. Төнлә һава температурасы -2 дән -8 градуска кадәр, ә көндез -1..-3 градус булыр дип көтелә. </p> <p>   </p>

2024-11-01T17:12:15+0300