Казанда +8 градуска кадәр җылытачак

Татарстанда аязучан болытлы һава, бераз яңгыр көтелә

Иртәгә Татарстанда аязучан болытлы һава, көндез урыны белән бераз яңгыр көтелә. Җил көньяктан, юнәлеше көнбатышка таба үзгәрәчәк, тизлеге төнлә секундына 9-14 метр, урыны белән 15-20 метрга кадәр, көндез секундына 6-11 метр, урыны белән 14 метрга кадәр җитәчәк. Төнлә һава температурасы +1..+6 булачак, көндез максималь температура – +5 тән +10 градуска кадәр.

Төнлә Казанда бераз яңгыр ява, җил көньяктан, юнәлеше көнбатышка таба үзгәрәчәк. Тизлеге секундына 6-11 метр, урыны белән 15-17 метрга җитәчәк.Төнлә термометр баганалары +3 тән +5 градуска кадәр җылы күрсәтәчәк. Көндез температура 8 градуска кадәр күтәреләчәк. Җил көнбатыштан, тизлеге секундына 6-11 метр.

Республикада 16 мартта урыны белән яңгыр һәм юеш кар явуы көтелә. Температура фоны сизелерлек түбәнәячәк. Әйтик, төнлә -1..-6 градус, көндез -1..+3 градус булыр, дип көтелә. Юлларда бозлавык, урыны белән көчле бозлавык фаразлана.

Шулай ук укыгыз

Барлык яңалыклар