Татарстанда QR-кодлар СОVID-19 каршы вакцинациянең беренче этабыннан соң ук бирелә башлаячак

Алар вакцинаның беренче компоненты кертелгәннән соң 24 көн дәвамында гамәлдә булачак.

Фото: Денис Гордийко

(Казан шәһәре KZN.RU 25-нче ноябрь). Татарстанда COVID-19 вакцинациясенең беренче этабын узу турында «республика» QR-кодлары кертелә, алар җәмәгать транспортында гына гамәлдә булачак. Шулай ук мондый кодларны коронавирустан прививка ясаткан хәрби хезмәткәрләр алачак. Тиешле карарны кичә ТР Премьер-министры Алексей Песошин имзалады, документ ТР хокукый мәгълүматының рәсми порталында бастырылган.

Карарның яңа редакциясендә 26-нчы ноябрьдән гражданнарның түбәндәге категорияләренә җәмәгать транспортында йөрү рөхсәт ителәчәк:

яңа коронавирус инфекциясенә (COVID-19) каршы вакцинациягә каршы медицина күрсәтмәләре булганнарга;
яңа коронавирус инфекциясенә каршы ике компонентлы вакцинаның беренче компонентын яисә бер компонентлы вакцина ясатучыларга;
COVID-19-га каршы привика ясаткан хәрби хезмәткәрләргә.

Әлеге шартларның булуын медицина оешмалары бирә торган медицина белешмәләренә төшерелгән «республика» QR-коды раслаячак. ТР хөкүмәте матбугат хезмәтендә аңлатуларынча, вакцинаның беренче компонентын яки бер компонентлы препарат белән прививка ясаганнарга QR-код 24 көнгә бирелә – вакцинациянең икенче компоненты ясалганчы яки «федераль» код формалашканчы. Мондый вакытлы «республика» QR-коды кәгазь вариантта гына (белешмәләрдә) бирелә.

Запаска җибәрелгән һәм хезмәт үтү урыны буенча вакцина алган хәрби хезмәткәрләр теркәлү урыны буенча поликлиникага документлар (РФ Оборона министрлыгы сертификаты һәм хәрби билет) белән мөрәҗәгать итә һәм республика QR-кодын ала ала.

Шул ук вакытта элегрәк кертелгән чикләүләр саклана – 22-нче ноябрьдән башлап 18 яшьтән өлкәнрәк республика халкы автобусларда, троллейбусларда, трамвайларда һәм метрода СOVID-19 га каршы вакцинация узуны яки соңгы 6 айда авырганын яки медицина отводы булуны раслаучы QR-код булган очракта гына йөри ала. QR-кодны белән бергә шәхесне раслаучы документны да күрсәтергә кирәк. Кагыйдә шулай ук автовокзалларда муниципальара юнәлешләргә билетлар сатып алуга да кагыла.

Вакцинация үтмәгән, ярты ел дәвамында коронавирус белән авырмаган һәм медотводы булмаган 60 яшьтән өлкәнрәк татарстанлыларның ташламалы транспорт карталары элеккечә үк ябык. Алар аталган шартларның берсе турында мәгълүмат барлыкка килгәннән соң яки эпидимиологик вәзгыять яхшырып, чикләүләр бетерелгәннән соң ачылачак.

Исегезгә төшерәбез, казанлылар вакцинацияне поликлиникаларда гына түгел, сәүдә үзәкләре, банклар һәм мәдәният учреждениеләре территориясендә урнашкан мобиль пунктларда да ясата ала. KZN.RU порталында аларның адреслары һәм эш режимы турында актуаль мәгълүмат урнаштырылган.

Шулай ук укыгыз

Барлык яңалыклар