Татарстанда ял көннәрендә көчле җил һәм бозлавык көтелә

Татарстанда ял көннәрендә көчле җил һәм бозлавык көтелә

<p> Шимбә көнне, 7 декабрьдә, Татарстанда юлларда бозлавык көтелә. Синоптиклар җитди явым-төшемнәрне фаразламый. Төнлә һәм иртән термометр баганалары -8..-13 градуска кадәр төшәчәк, аязганда һәм түбән урыннарда -16 градуска кадәр. Көндез һава температурасы -4..-9 градус, җилнең тизлеге 11 м/с булачак. </p> <p> Бүген төнлә һәм иртәгә иртән Казанда һава температурасы -7..-9 градус тәшкил итәчәк, аязганда -11 градуска кадәр салкыннар булырга мөмкин. Көндез аязучан болытлы һава торышы булачак, термометр баганалары -4..-6 градуска кадәр төшәчәк. Җил көньяктан һәм көньяк-көнчыгыштан 3-8 м/с тизлектә. </p> <p> Якшәмбе, 8 декабрьдә, көндез республика буенча аз гына кар явачак. Һава температурасы -5..-10 градус тәшкил итәчәк. Юлларда бозлавык сакланачак. 5-10 м/с тизлек белән көньяк җил урыны-урыны белән 14 м/с ка кадәр җитәчәк. </p> <p> Татарстан Республикасы Гидрометүзәге фаразына караганда, киләсе атна башында урыны белән бераз кар явачак, аерым районнарда буран һәм көчле җил булырга мөмкин. Төнлә 9 һәм 10 декабрьдә һава температурасы -5..-10 градус, ә көндез -2 дән -7 градуска кадәр. </p>

2024-12-06T13:29:59+0300