Татарстанда 3 һәм 4 июльдә шторм кисәтүе игълан ителде

Казанлыларны 20 м/с тизлек белән исүче җил, яшен, көчле яңгыр һәм боз явуы көтә.

(Казан шәһәре KZN.RU, 3-нче июль). Бүген һәм иртәгә, 4 июльдә, Татарстан Республикасы территориясендә урыны белән 15-20 м/с тизлек белән исүче җил, яшен, көчле яңгыр һәм боз явуы көтелә. Казанда яшен һәм көчле җил (15-20 м/с) бүген көн азагында һәм кич белән, төнлә 4 июльдә көтелә, ә Татарстан буенча – 4 июльдә 18.00 сәгатьтә.

Россия Гадәттән тыш хәлләр министрлыгының ТР буенча Баш идарәсе һава шартлары бозылган очракта (көчле яңгыр, җил) автотранспорт йөртүчеләргә юлга чыгудан баш тартырга, юлларда игътибарлы булырга, куркынычсыз дистанция сайларга, һава шартларына карап, тизлекне сайларга киңәш итә.

Җил вакытында республика халкына тәрәзәсез балконнардан беркетелмәгән предметларны алып куярга, тәрәзәләре булса, аларны ябарга киңәш ителә.

Яшен вакытында яшен сугудан саклау җайланмалары булмаган электр предметлары яшеннән зарарланырга мөмкин. Боз яуганда, түбәләр, тәрәзәләр бозылырга мөмкин. Җәрәхәтләр алудан саклану өчен җил вакытында подъездга яисә бина подвалына качарга киңәш ителә.

Башка киңәшләрне ТР Гадәттән тыш хәлләр министрлыгы сайтында укый аласыз.

Шулай ук укыгыз

Барлык яңалыклар