Татарстанда күп балалы 18 меңнән артык хатын-кыз пенсиягә вакытыннан алда чыккан

Татарстанда күп балалы 18 меңнән артык хатын-кыз пенсиягә вакытыннан алда чыккан

<p> </p> <div class="detail-picture"> <img src="https://kzn.ru/upload/iblock/eee/eee7cb947611c7d7469832fd76f88d13.jpg"> <p class="detail-picture__caption"> Фото: Марат Мөгыйнов </p> </div> Татарстанда күп балалы 18 меңнән артык хатын-кыз картлык буенча пенсиягә вакытыннан алда чыккан. Мондый мөмкинлектән, биш һәм аннан күбрәк бала табып, аларны 8 яшенә кадәр тәрбияләгән әниләр файдалана ала. <p> </p> <p> Алар, 50 яшькә җиткәч, вакытыннан алда иминият пенсиясен алу хокукына ия. Дүрт һәм өч баласы булган хатын-кызларга исә пенсия 56 һәм 57 яшьтә билгеләнә. </p> <p> Күп балалы хатын-кызга вакытыннан алда пенсия билгеләү өчен аның 15 еллык хезмәт стажы һәм пенсия коэффициенты 28,2 булу зарур. Шул ук вакытта ата-ана хокукыннан мәхрүм итү, уллыкка яки кызлыкка алуны гамәлдән чыгару очраклары теркәлмәгән булырга тиеш. </p> <p> Стажны һәм пенсия коэффициентлары санын дәүләт хезмәтләре порталында тикшерергә мөмкин, дип искәртә РФ Социаль фондының ТР буенча бүлекчәсе матбугат хезмәте. </p> <br>

2024-05-16T14:14:34+0300