Татарстанда һәр балалар лагеры өчен COVID-19 ачыкланган очракка маршрутизатор эшләнде

Бу хакта бүген видеоконференция режимында узган брифингта ТР Президенты матбугат хезмәте җитәкчесе Лилия Галимова хәбәр итте.

(Казан шәһәре KZN.RU, 11-нче июнь, Ксения Швецова). Татарстанда балаларның һәр шәһәр яны лагеры өчен ял итүчеләр арасында COVID-19 ачыкланган очракка маршрутизатор эшләнде. Бу хакта бүген видеоконференция режимында узган брифингта Татарстан Республикасы Президенты матбугат хезмәте җитәкчесе Лилия Галимова хәбәр итте.

Маршрутизатор вирусның алга таба таралуына юл куймау планын күздә тота: анда баланы дәвалау өчен нинди учреждениегә китереләчәге, лагерь урнашкан участокның ничек чистартылачагы, ял итүчеләргә нинди срокларда тест ясалачагы һәм башкалар язылган.

«Әлеге схема пандемия башыннан Роспотребнадзор тарафыннан коронавирус инфекциясе барлыкка килергә мөмкин булган теләсә кайсы урынга эшләнгән, - дип билгеләп үтте Л.Галимова. - Шулай ук республика Президентының балалар белән лагерьларда эшләүче кешеләрне сынау мәсьәләсенә җаваплы карау йөкләмәсе дә бар. Смена дәвамында алар, вирус кертүгә юл куймас өчен, лагерь территориясендә генә булачак. Әлбәттә, системалы дезинфекция үткәреләчәк, битлек режимын үтәү мәҗбүри булып тора».

Исегезгә төшерәбез, Казанда 1-нче июльдән 11 муниципаль шәһәр яны лагеры балаларны кабул итәчәк. Ел дәвамында Казан лагерьларында, шул исәптән мәктәп яны лагерьларында 40 меңнән артык бала ял итәргә җыена. Җәйге чорда 28 мең 885 кеше ял итәчәк, шуларның 13005-се - шәһәр яны лагерьларында. Казан Мэры Илсур Метшин балаларның җәйге ялын барлык санитар нормаларны үтәп оештырырга кушты.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар