Татарстанда 49 меңнән артык автомобиль хуҗасы юл йөрү кагыйдәләрен бозган өчен штрафлар турында электрон карар алды

Дәүләт хезмәтләре сайтында яңа сервистан автомобиль хуҗалары 2019 елның августыннан башлап куллана ала.

(Казан шәһәре KZN.RU, 15-нче апрель). ТР дәүләт хезмәтләре порталы автомобиль хуҗалары өчен махсус техник чаралар белән теркәлгән юл хәрәкәте кагыйдәләре бозылу турында иң оператив ысулларның берсе булып тора. Шәхси кабинетта дәүләт хезмәтләре сайтында билгеләнгән штраф турындагы карар күчермәсен алу аны ташламалы чорда оператив түләргә мөмкинлек бирә. 14-нче апрельгә Татарстанда әлеге хезмәттән 49 мең 996 транспорт чарасы хуҗасы файдаланган.

Дәүләт хезмәтләре сайтында яңа сервистан автомобиль хуҗалары 2019 елның августыннан башлап куллана ала. Хезмәтне рәсмиләштерү өчен 2 минутлап вакыт кирәк һәм ул бушлай башкарыла. Автомобиль хуҗалары өчен хезмәт вакытны һәм чараларны экономияләү белән уңайлы: әгәр штраф салынган булса, карар чыгарылган көннән алып 20 көннән дә соңга калмыйча, түләнә торган сумманың күләме ике тапкыр кими.

Моннан тыш, карарны чыгарылган көнне алырга мөмкин һәм шул ук вакытта документ күчермәсен алу өчен почта бүлегенә барырга кирәк түгел.

Шуны да билгеләп үтәргә кирәк: республика территориясендә автомат фото- һәм видеофиксация комплексларыннан алынган мәгълүматларга нигезләнеп чыгарылган штрафлар турындагы карарларны гына электрон рәвештә алырга мөмкин.

«ЮХИДИ хезмәтләре» бүлегендә яки сылтама буенча ТР дәүләт һәм муниципаль хезмәтләр порталында тулы инструкция алырга һәм язылуны рәсмиләштерергә мөмкин, дип хәбәр итә ТР Эчке эшләр министрлыгының ЮХИДИ матбугат хезмәте.

Шулай ук укыгыз

Барлык яңалыклар