Велоквест уздыру белән бәйле рәвештә Казанда транспорт хәрәкәте чикләнәчәк

8 нче октябрьнең 8:00 сәгатеннән 11:00 сәгатенә кадәр кайбер участокларда юл ябык булачак

Фото: Денис Гордийко

(Казан шәһәре KZN.RU, 21 нче сентябрь). ТР башкаласында берничә урам буенча хәрәкәт вакытлыча чикләнәчәк. Бу «Казан тарихы буенча велоквест» үткәрү белән бәйле. Тиешле карар шәһәр муниципаль берәмлегенең Документлар һәм хокукый актлар җыентыгында басылып чыкты.

8 нче октябрьдә 8:00 сәгатьтән 11:00 сәгатькә кадәр юл түбәндәге участокларда ябылачак:

Беренче Май мәйданы;

Кремль урамы, Профессор Нужин урамыннан Беренче Май мәйданына кадәр (ике хәрәкәт юнәлешен дә туктату);

Лобачевский урамы, Дзержинский урамыннан Кремль урамына кадәр (ике хәрәкәт юнәлешен дә туктату);

Астрономия урамы, Профсоюз урамыннан Кремль урамына кадәр (ике хәрәкәт юнәлешен дә туктату);

К.Нәҗми урамы, Дзержинский урамыннан Кремль урамына кадәр (ике хәрәкәт юнәлешен дә туктату);

М.Җәлил урамы, Профсоюз урамыннан Дзержинский урамына кадәр (хәрәкәтнең ике юнәлешен дә туктату);

Чернышевский урамы, Профсоюз урамыннан Дзержинский урамына кадәр (ике хәрәкәт юнәлешен дә туктату);

Пушкин урамы, К.Маркс урамыннан Татарстан Милли музее бинасына кадәр (хәрәкәтнең ике юнәлешен дә туктату);

Большая Красная урамы, Мөштәри урамыннан Пушкин урамына кадәр (хәрәкәтне туктату);

Театр урамы, Дзержинский урамыннан Большая Красная урамына кадәр (хәрәкәтне туктату).

Шулай ук укыгыз

Барлык яңалыклар