Җиңү көнен бәйрәм итүгә бәйле рәвештә Меңьеллык мәйданында хәрәкәт 8-10 нчы май көннәрендә чикләнәчәк

Автомобильчеләрне шулай ук Казанның кайбер юлларында 3 нче һәм 7 нче майда вакытлы чикләүләр булуы турында кисәтәләр.

Казанда Җиңү көненә багышланган бәйрәм чараларын әзерләү һәм үткәрү белән бәйле рәвештә транспорт чаралары хәрәкәтенә вакытлыча чикләүләр кертелә:

3 нче майда 18:00 сәгатьтән 23:00 сәгатькә кадәр Меңьеллык мәйданында, шул исәптән Профсоюз урамыннан Батурин урамына кадәр;

7 нче майда 16:00 сәгатьтән 22:00 сәгатькә кадәр Меңьеллык мәйданында, Уң як Болак һәм Сул як Болак урамнары буенча Чернышевский урамына кадәр.

8 нче майның 16:00 сәгатеннән 10 нчы майның 2:00 сәгатенә кадәр Меңьеллык мәйданында хәрәкәт тулысынча чикләнәчәк. Моннан тыш, 8 нче майның 18:00 сәгатеннән 9 нчы майның 22:00 сәгатенә кадәр Бондаренко урамы ябылачак.

Хәрәкәт чикләнгән участокларда авыр техника куелачак.

9 нчы май салюты тәмамланганнан соң, кешеләр күп җыелган очракта, Сибгат Хәким урамын өлешчә ябарга мөмкиннәр.

Җиңү көнендә җәмәгать транспорты эше көчәйтелгән режимда оештырылачак. Җәмәгать транспорты эш көне графигы буенча эшләячәк.

Барлык бәйрәм мәйданчыкларында да куркынычсызлыкны тәэмин итүгә бәйле тикшерү чаралары каралган.

Бәйрәм урыннарында медицина хезмәткәрләренең кизү торуы каралган.