Татарстан башкаласында узган тәүлектә 92 юл-транспорт һәлакәте теркәлгән

Шул ук вакыт эчендә юл йөрү кагыйдәләрен бозган өчен 425 машина йөртүче һәм 20 җәяүле административ җаваплылыкка тартылган

Кичә Казанда 92 юл-транспорт һәлакәте теркәлгән, шуларның икесе – зыян күрүчеләр белән. Юл-транспорт һәлакәтендә катнашкан ике кеше төрле дәрәҗәдәге җәрәхәтләр алган.

8:40 сәгатьтә 43 яшьлек машина йөртүче җайга салынмаган җәяүлеләр кичүендә 67 яшьлек хатын-кызны бәрдергән. Һәлакәт Нардуган урамындагы 18 нче йорт каршында була. Зыян күрүчене хастаханәгә салганнар һәм ярдәм күрсәткәннән соң медицина учреждениесеннән җибәргәннәр.

23 нче июльдә юл хәрәкәте кагыйдәләрен бозган өчен 425 машина йөртүче һәм 20 җәяүле административ җаваплылыкка тартылды. 81 кеше куркынычсызлык каешын куллану таләпләрен үтәмәгән, дүрт автомобильче җәяүлеләргә юл бирмәгән, бер машина йөртүче балаларны йөртү кагыйдәләрен бозган.

Исереклек билгеләре булган транспорт чарасы белән идарә иткән өчен җиде кеше тоткарланган, дип хәбәр иттеләр Россия Эчке эшләр министрлыгының Казан буенча ЮХИДИ бүлегендә.

Шулай ук укыгыз

Барлык яңалыклар