Татарстан башкаласында Казан Изге Ана иконасы бәйрәме уңаеннан тантаналар узачак

Шуңа бәйле шәһәр үзәгендә берничә урам буенча хәрәкәтне вакытлыча чикләячәкләр

Православие христианнары 4 ноябрьдә Казан Изге Ана иконасын данлау бәйрәмен билгеләп үтәчәкләр. Бу көнне Татарстан башкаласында гадәттәгечә тәре йөреше узачак, аның маршруты буенча транспорт хәрәкәте вакытлыча чикләнәчәк.

Бәйрәм алдыннан, 3 ноябрьдә, Казан соборында тантаналы рәвештә төн буе уяу тору һәм Царица Небесная акафистын уку булачак. Гыйбадәт кылу 17:00 дә башлана.

Тантаналы гыйбадәт 4 ноябрьдә 7:30 да Казан Кремленең Благовещение соборында башлана. Аннары дин тотучылар тәре йөреше белән Казан Кремле тирәсендәге чиркәүдән һәм аннан үзәк урамнар буйлап Богородица монастырена кадәр узачаклар. Тантаналы очрашудан соң изге урын пәйда булган урында илаһи литургия үткәреләчәк. Казан соборында гыйбадәт кылуны Рус чиркәве архипастырьлары җыены башкарачак. Хезмәт башлана — 9:00.

Бу сәбәпле 4 ноябрьдә 7:00 сәгатьтән түбәндәге участоклар ябылачак:

Беренче Май мәйданыннан төшү юлы(Кремль урамыннан Профсоюз урамына кадәр);

Меңьеллык мәйданыннан Батурин урамына төшү юлы;

Батурин урамыннан Кремль дамбасына чыгу урыны;

Батурин урамында (Кремль дамбасыннан алып Дзержинский урамына кадәр);

Бауман урамында (Профсоюз урамыннан Батурин урамына кадәр);

К.Маркс урамында (Лобачевский урамыннан Батурин урамына кадәр);

Кремль урамында (Чернышевский урамыннан Беренче Май мәйданына кадәр);

Миславский урамы буенча. (К.Маркс урамыннан алып Дзержинский урамына кадәр);

Профсоюз урамы буенча (Чернышевский урамыннан Меңьеллык мәйданына кадәр);

Япеев урамы буенча (Дзержинский урамыннан алып Большая Красная урамына кадәр).

Машина юллары тәре йөреше үткән саен ачылачак.

Шулай ук 4 ноябрьдә 7:00 дән 9:30 га кадәр Большая Красная урамында (Япеев урамыннан Батурин урамына кадәр) хәрәкәт чикләнәчәк.

3 ноябрьдә 20:00 дән 4 ноябрьдә 9:30 га кадәр Миславский урамы ябылачак (К.Маркс урамыннан алып Большая Красная урамына кадәр). Шул ук участокта машина куюны тыячаклар.

Чараны оештыруда шәһәр хезмәтләре ярдәм итәчәк, ә куркынычсызлыкны тәэмин итү өчен хокук саклау органнары чаралар күрәчәк, дип хәбәр иттеләр Казан Башкарма комитетының иҗтимагый оешмалар белән элемтә бүлегендә.

Шулай ук укыгыз

Барлык яңалыклар