Татарстан башкаласында ел саен үткәрелә торган «Мәктәпкә җыенырга ярдәм ит» хәйрия акциясе уза

Татарстан башкаласында ел саен үткәрелә торган «Мәктәпкә җыенырга ярдәм ит» хәйрия акциясе уза

<p> </p> <div class="detail-picture"> <img src="https://kzn.ru/upload/iblock/030/030083de47bdce2da9e944bf649b232d.jpg"> <p class="detail-picture__caption"> Фото: Денис Гордийко </p> </div> (Казан шәһәре KZN.RU, 31 нче июль, Татьяна Марюхова). ТР башкаласында «Мәктәпкә җыенырга ярдәм ит» хәйрия акциясе узачак, анда ел саен аз керемле гаиләләрдән 1 меңнән артык Казан укучысы катнаша. Аларга кирәкле канцелярия кирәк-яраклары һәм хәйриячеләрнең портфельләре тапшырылачак. Бу хакта шәһәр Мэриясендә узган эшлекле дүшәмбедә ТР башкаласы Башкарма комитетының Мәгариф идарәсе башлыгы Ирек Ризванов сөйләде. <p> </p> <p> «Әлеге акциядә күп кенә оешмалар, депутатлар, шәһәр бизнесменнары катнаша. Барлык битараф булмаучыларга рәхмәт әйтәсем килә. Күпләр бу игелекле эшне ел саен башкара. Безнең бурыч – балаларга бүләкләрне оешкан рәвештә тапшыру. Бу яхшы традиция бәйрәмгә әверелде. Әйдәгез, балаларны мәктәпкә сөендереп озатыйк», – дип ассызыклады Казан Башкарма комитеты җитәкчесе Рөстәм Гафаров. </p> <p> Ирек Ризванов билгеләп үткәнчә, акция Казанда 2007 елдан бирле үткәрелә, һәм ул елдан-ел үз масштабларын арттыра бара. «Битараф булмаган шәһәр халкы инициативасы белән 2021 елда меңнән артык бала ярдәм алды, 2022 елда – 139 кешегә күбрәк. Дөньяда яхшы кешеләр җитәрлек – бу уңай тенденция быел дәвам итәр дип өметләнәбез. Бу юлы ул 1 нче августта старт ала», – дип хәбәр итте Казан Башкарма комитетының Мәгариф идарәсе башлыгы. </p> <p> Акциянең максаты – социаль якланмаган гаиләләрдәге укучыларга яңа уку елына әзерләнүдә ярдәм күрсәтү. Әлеге акция кысаларында балалар мәктәп портфеленнән һәм канцелярия товарларыннан торган комплектларны бушлай алачак. </p> <p> Бүләкләр шәһәрнең һәр районында – «Мәскәү», «Сәйдәш», «Чулпан» мәдәният үзәкләрендә, шулай ук Ленин исемендәге мәдәният йортында тапшырылачак. Чаралар 18-25 нче август көннәрендә үтә. Комплектларны сатып алу өчен акча ел саен хәйриячеләрнең ирекле иганәләре хисабына җыела. </p> <p> Шәһәр Башкарма комитетының Мәгариф идарәсе башлыгы искәрткәнчә, традицион рәвештә акцияне предприятие һәм коммерция оешмалары җитәкчеләре, Татарстан Дәүләт Советы һәм Казан шәһәр Думасы депутатлары спонсорлык итә. </p> <p> «Казан – игелекле кешеләр шәһәре. Ел саен шәһәрлеләрнең актив катнашуы аркасында мохтаҗ гаиләләрдән күп санлы мәктәп укучыларының кирәкле ярдәм алуы безне шатландыра», – дип нәтиҗә ясады Ирек Ризванов. </p>

2023-07-31T09:55:00+0300