Татарстан башкаласында Мәрьям Ана Казан иконасы соборын торгызу тарихы музее барлыкка киләчәк

Килүчеләр монастырь территориясендә табылган археологик табылдыкларны күрәчәкләр.

(Казан шәһәре KZN.RU, 3-нче июль). Татарстан башкаласында Мәрьям Ана Казан иконасы соборын торгызу тарихы музее барлыкка киләчәк. Казан-Богородицкий монастырендә музей ачу бу елның октябренә планлаштырыла.

Экспозициядә алты тематик бүлек тәкъдим ителәчәк: «Мәрьям Ана Казан иконасының барлыкка килү тарихы», «XVI-XX гасыр Казан Богородицкий хатын-кызлар монастыренең барлыкка килүе һәм тарихы», «Казан Мәрьям Ана иконасы», «Монастырьнең тарихи топографиясе», «XXI гасырда соборны торгызу», «Экспозицияне интерактив озата бару».

Килүчеләр ТР Милли музее, ТР Археология институты музее, Казан епархиясе һәм Богородицкий монастыре саклагычлары фондларыннан чын артефактлар, шулай ук тарихи ядкарьләрнең күчермәләре, макетлары һәм муляжлары белән танышачаклар. Күргәзмә фондының шактый өлешен 2016-2019 елларда Казан Богородицкий монастыре территориясендә табылган археологик табылдыклар тәшкил итәчәк.

Биредә үк монастырь һәм Собор мәйданы объектлары турында сөйли торган мәгълүмати блоклар тәкъдим ителәчәк, дип хәбәр итә Казан епархиясе матбугат хезмәте.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар