ТР башкаласында «Мин татарча сөйләшәм!» акциясе узачак

Быел чараны үткәрү урыны итеп Казан Кремле сайланган

Фото: kazan-kremlin.ru

Бүген Казанда татар теленә багышланган «Мин татарча сөйләшәм!» акциясе узачак. Быел чараны үткәрү урыны – Казан Кремле.

Акция программасы киң, әмма аның төп өлешен 17:00 сәгатьтә башланачак гала-концерт алып тора. Сәхнәдә, нигездә, Татарстан башкаручылары чыгыш ясаячак. Алар арасында Юрий Федоров җитәкчелегендәге Yummy Music Band, Эльвира Мифтахова, Илгиз Шәйхразиев, K-Ru, Azat Gilmetdin, АлияНур, Искан, Муса Гаянов, qaynar, K3DERT, Дышать, Караш, Al Su, Gauga, «Кружок хора», Juna, Сәйдә Мөхәммәтҗанова бар. Санкт-Петербургтан Lunami төркеме көтелә.

Чараны блогерлар Роберт Исламов һәм Ләйлә Лерон-Бахмутова алып барачак.

Шулай ук акция кысаларында беренче тапкыр «Ташаяк» ярминкәсе оештырылачак.

Шулай ук укыгыз

Барлык яңалыклар