ТР башкаласында 21 нче октябрьдә алкоголь сатуны чикләячәкләр

ТР башкаласында 21 нче октябрьдә алкоголь сатуны чикләячәкләр

<p> </p> <div class="detail-picture"> <img src="https://kzn.ru/upload/iblock/99f/99f290cf9ff9cef8a2b49f2b1523b955.jpg"> <p class="detail-picture__caption"> Фото: Денис Гордико  </p> </div> <p> (Казан шәһәре KZN.RU, 5 нче октябрь). Татарстан башкаласында 21 нче октябрьдә алкогольне ваклап сатуны чикләячәкләр. Бу Казанның «Рубин»ы һәм Мәскәүнең ЦСКА командасы арасында футбол буенча Россия чемпионаты матчын уздыру белән бәйле. </p> <p> Алкоголь сатуны чикләү турындагы карарны Татарстан Республикасы Премьер-министры Алексей Песошин имзалады. Тыю уенны үткәргәндә куркынычсызлыкны тәэмин итү өчен федераль закон нигезендә кабул ителгән.  </p> <p> Чикләү «Ак Барс Арена» янында гамәлдә булачак: Ф.Әмирхан проспекты буенча Сибгат Хәким урамыннан Чистай урамына кадәр; Чистай урамы буенча Адоратский урамына кадәр; Адоратский урамы буенча Академик Лаврентьев урамына кадәр; Академик Лаврентьев урамында ишегаллары буйлап Гаврилов урамы, 10 нчы йортка кадәр. Аннары өченче транспорт дамбасының әйләнмә күпере чиге буенча (шул исәптән төзелеш кибетен кертеп) Троицкий Урманы урамына кадәр; Троицкий Урманы урамы буенча һәм аннан Казансу акваториясе буйлап Ф.Әмирхан проспектына кадәр. Шулай ук Астрономия, Бауман, Кави Нәҗми, Муса Җәлил, Профсоюз, Университет, Чернышевский урамнарындагы сәүдә объектларында алкоголь сатып алып булмаячак. </p> <br>

2023-10-05T10:59:00+0300