Казанның Совет районында Вертелевка юлы барлыкка килде

Ул Радужный микрорайонында урнашкан

Казанның Совет районында Вертелевка юлы барлыкка килә. Ул Радужный микрорайонында урнашкан. Тиешле карар шәһәр муниципаль берәмлегенең документлар һәм хокукый актлар җыентыгында басылган.

Участокны «проезд Вертелевский – Вертелевка юлы» дип атаганнар.

Юлның исеме шәһәрнең адреслы планына кертеләчәк, Казан урамнары исемнәре реестрына тиешле үзгәрешләр кертеләчәк.

Элек Совет районында Эшмәкәрләр, Механизаторлар һәм Сәнәгатьчеләр юллары барлыкка килгән иде. Алар Мамадыш тракты янында урнашкан.