Киров һәм Мәскәү районнары мәктәпләрендә яңа спорт мәйданчыклары барлыкка килде

Киров һәм Мәскәү районнары мәктәпләрендә яңа спорт мәйданчыклары барлыкка килде

<p> Спорт мәйданчыкларын Казанның Киров һәм Мәскәү районнарының ике мәгариф оешмасында төзекләндерделәр. </p> <p> 34 нче мәктәпнең яңа футбол кырында бер үк вакытта якынча 30 укучы шөгыльләнә алачак. Мәйданчыкта ясалма үлән капланган, ике ягында капкалар урнаштырылган. Элек физкультура дәресләре өчен мәктәп спорт залы, хоккей тартмасы һәм урам турниклары гына файдаланган. </p> <p> 152 нче мәктәптә уку елы башына баскетбол һәм волейбол мәйданчыкларын ремонтлаганнар. Территориядә җиде яңа тренажер, ике баскетбол боҗрасы, волейбол уены өчен сетка, ә ял өчен – ике скәмия урнаштырганнар. </p> <p> Саф һавада шөгыльләнү өчен зоналарны төзекләндерү универсаль спорт мәйданчыклары төзү буенча республика программасы кысаларында үткәрелде, дип хәбәр иттеләр Казанның Киров һәм Мәскәү районнары администрациясендә. </p>

2024-10-09T15:20:29+0300