Казанның алты паркында психологларга бушлай консультацияләр оештыралар

«Тыңлыйбыз» проектында студентлар һәм яшь белгечләр катнашачак

Казан паркларында 4 июньнән «Тыңлыйбыз» социаль проекты эшли башлаячак. Барлык теләүчеләргә «Ышаныч» үзәге белгечләре психология факультеты студентлары һәм яшь психологлар белән бергә бушлай консультация бирәчәк. Бу хакта эшлекле дүшәмбедә Балалар һәм яшьләр эшләре комитеты рәисе Алия Заһидуллина хәбәр итте.

«Теләге булган һәркем, яшенә карамастан, психолог янына утырып, аны борчыган нәрсәләр турында сөйләшә, үз тарихы белән уртаклаша алачак», – диде Алия Заһидуллина.

Ул шулай ук консультацияләрнең аноним рәвештә һәм бушлай узуын билгеләп үтте. Шәһәрлеләргә алдан язылырга һәм шәхси мәгълүматлар бирергә кирәкми. Кабул итү һәр чәршәмбе 16:00 дан 19:00 га кадәр «Наратлык» паркында, «Крылья советов» паркында, Җиңү паркында, Урицкий исемендәге паркта һәм Горький исемендәге паркта булачак.