Атна уртасында Татарстанда яңгыр һәм юеш кар явачак

Иртәгә көндез Казанда +11 градус көтелә

Иртәгә Татарстанда салкын, коры һава явым-төшемсез сакланачак. Төнлә һава температурасы 0 дан -5 градуска кадәр, көньяк һәм көнчыгыш районнарда – алтыдан 11 градуска кадәр салкын булачак. Көндез синоптиклар +7..+12 градус фаразлый.

Казанда алмашынучан болытлы һава сизелерлек явым-төшемсез сакланачак. Көньяк-көнчыгыштан 4-9 м/с, урыны белән 14 м/с кадәр җил көтелә. Төнлә термометр баганалары 0..-2 градус күрсәтәчәк, кайбер урыннарда -5 градуска кадәр төшәчәк. Көндез +9..+11 градуска кадәр җылыта.

Атна уртасында Татарстан яңгырлы һәм юеш карлы атмосфера фронтлары йогынтысына дучар булачак. Чәршәмбе – республиканың көнбатыш өлешендә, ә пәнҗешәмбе Татарстан Республикасының өстенлек итүче территориясендә зур булмаган явым-төшем көтелә. Төнлә температура фоны 0..-5 градус була. 16 октябрьдә Татарстанның көньягында һәм көнчыгышында термометр баганалары -9 градуска кадәр төшәчәк, ә көнбатыш районнарда бу көннәрдә 0..+3 градус булыр дип фаразлана. Татарстанда көндез +3..+9 градус булачак.

ТР Гидрометүзәгенең башлангыч фаразлары буенча, җомга һәм шимбә көннәрендә республика көнбатыш антициклоны йогынтысына дучар булачак, атмосфера басымы үсәчәк, шуның хисабына явым-төшемнәр тукталачак. Ял көннәрендә синоптиклар төнлә 0..-5 градус салкын, ә көндез 0..+9 градус салкын вәгъдә итә.

Шулай ук укыгыз

Барлык яңалыклар